| 岩岩上網睇完窮富翁真人秀，港台拍攝個個
當中有好多感受，特別係CEO同JUJU呢兩個主角個集
我亦曾經係新移民，曾經亦都住過板間房，亦曾經住過唐樓
JUJU同CEO個集佢地所住既板間房
同我岩岩出黎香港住個陣可以話係完全一樣
兩間板間房既生活滋味我到依家都仲記得
環境真係可以令人磨滅向上爬的動力
因為根本就冇時間俾你去諗點樣脫貧
有時間既都要攞晒去返工，搵兩餐已經用左十二個鐘
更加唔好既，可能係短期工或者臨時工，朝不保夕
三餐都成問題，學歷又唔高
何來有時間、精神同體力去應邀其他野
真係好似D阿叔話齋，以前搵多幾份工做都仲話有機會脫貧
依家一份工都用左十二個鐘，又未必係長工
依家先明白咩叫貧者愈貧，富者愈富
佢地並唔係付出幾多就得到幾多
如果照咁計既話，我覺得最有錢既應該係農夫
日日日出而作，日入而息，大熱天時仲要做咁體力化既野
雨季時候更加唔使講
有錢人永遠都唔會體會得到.......
或者呢D真係天意
窮不過三代，富不過三代
究竟係咪真係可以？
|
| |
| 依家係凌晨12點16分，出面仲係打緊八號風球
風大雨大，我坐起電腦檯前面，d雨仲時不時飄入黎
好涼快，呢種感覺好舒服好正
新既學年又開始左喇，希望有更大既進步同埋有所得著
|
| |
| 岩岩打左一大篇野出黎，點知臨尾撻Q，屌.......當場呆撚左
唔鬼願再詳細打左多次，簡單講下就算
前日晏就3點幾一支公走左去遊電車河走遍港島
由堅尼地城總站坐去跑馬地總站
再由跑馬地總站坐去筲箕灣總站，每程各一個鐘，全程$4
第一站撞到班龍友，原來都幾多人坐電車影相
第二站去筲箕灣，好悶，冇野睇冇咩影，坐到腰酸背痛
坐地鐵返尖咀食M記填肚，再沿柯士甸道行去試搭第一日通車GE柯士甸站
以後出尖東好方便，可惜南昌站以後又會變得好靜
|
| |
| 繼之前睇完Rocky系列之後，岩岩又睇完Rambo系列
非常之熱血，第二、三集最刺激，有好幾個位都出乎意料
雖然係有d太過英雄主義
不過電影就係咁，話明係夢工場呀嘛
史泰龍真係好正，我覺得Rambo先係佢ge代表作
仲有，花甲ge佢仲可以操到咁大隻咁fit
真係唔易!
------------------------------------------------------------------------------------------
百無聊賴又上網搵番以前獎門人黎睇
幾回味，超級無敵....宇宙無敵....驚天動地獎門人
以前ge遊戲比較好笑同好玩好多
------------------------------------------------------------------------------------------
上討論區見到d旅遊風光相，令人好心曠神怡
埃及，我同自己講過呢世仔點都要去一次
因為兒時我ge志願係想做個考古學家
特別非常極之好奇對於探討埃及金字塔
仲有馬雅，秦始皇兵馬俑，復活島巨人像........
我想盡快起馬爾代夫沈沒之前去一次
水上假期屋，日落仍都好多人讚係一流
近近地中國，都好多景點值得一去
其實我覺得辛辛苦苦搵咁多錢返黎又唔洗
有嘜為呢......又帶唔到落棺材上天堂落地獄
不如拎少少錢抽d時間去下旅遊仲好啦
總好過日捱夜捱，勞碌大半世之後
做到五勞七傷，將辛辛苦苦搵番黎ge錢
全部拎番去做醫療費，成世為醫療費打工
值得咩?
|
| |
| 睇完"他來自江湖"，好正....好鬼好笑
周星馳拍住吳孟達...加埋靚姑語錄
笑科百出......周星馳ge成名作
主題曲︰
‧上年買落個d書仲未睇晒，唔敢再買住
買得多都係擺起到，年尾應該搞得掂掛
‧日日1點先起身，日日聽"made in hk 李志剛"消磨時間
3點至6點ge時段係最難捱，冇野做，度日如年
同起公園ge阿伯有咩分別，坐起到發呆
返工，我唔係好想依家搵，我想返學先搵
對!我犯賤.....
|
| |
